Tuldukan Na!

Marami kang gustong gawin
'di mo alam paano simulan
Marami kang adhikain
'di mo naman mapagtuunan

Mahirap ang ganyan
puro simula walang katapusan
Mahirap ang ganyan
puro plano hanggang pangarap lang

Paano nga ba ang gagawin?
Paano nga ba makakamit?
Gulong gulo aking isip
Nababagabag aking dibdib

Mula noon hanggang ngayon
Puso at isip nagtatalo
Mula noon hanggang ngayon
Sumasakit pa rin ang ulo

Sana maituloy na
Sana maplano na
Sana maisagawa na
Sana matapos na

Kailan pa? Kailan pa?
O sya tama na
Simulan na, aksyonan na
O tuldukan na!